15. Februar 2024

Mir Schnadehüdeler dörfe 40 Johr Jubiläum fiire! Das hei mir die Fasnacht scho chönne zelebriere... Am Fasnachtssunnti heimer binere feine Geburtstagstorte uf die 40 Johr agstosse... Was fürnes Glück heimer, dass mir immer no 3 Gründigsmitglieder hei, wo no aktiv mit üs düe Fasnachte... Und sogar no länger mit üs wei Musik mache, probe, trinke, tanze und Zyt verbringe! Mir si und blibe ä stolzi Schnadefamilie! <3 Mir freue üs scho uf üses Jubiläumsfescht am 09. November 2024!

22. Februar 2023

Nach schmärzhafte Johr ohni üsi gliebti Fasnacht, hei mir ändlich üsi Instrumänt wider us de Koffere chönne näh... Mir si i üses Koschtüm ghüpft und hei mit Schminki im Gsicht die schönschti Johreszyt wider dörfe gniesse! Für üs isches eini vo de schönschte Fasnachte gsi, und das nid nume, wägem schöne Wätter! Ou s'zäme sii hei mir wahnsinnig gnosse! Mir hei wider einisch meh gmerkt, das mir nid nume Gspändli, sondern e Schnadefamilie si... Mir freue üs scho jetz uf d Fasnacht 2024!

12. Februar 2021

S Schnadehärzli blüetet Genau jetz würd üses Platzkonzärt am Naseball starte, doch leider müesse mir haut ou uf das no es Jöhrli warte. Ä Fasnachtsfriti nid mit de Schnadehüdeler z mache, das hätte mir üs nie chönne vorstöue, und hei eich nume drüber chönne lache. Leider isch aus chlei angersch cho, und dä cheibe Chäfer het d'Überhang gno. mir touche chlei ab wies eigentlich wär, jo es duet scho chlei weh, und s schriibe faut schwär! aber do glich es paar Gedanke zum villech...

04. Juni 2020

Dunkli Wouche überem schönschte Strand am Jurasüdfuess... Genau hüt im ne Monet, am erste Samstig im Juli „wär“ eigentlech üsi Beachparty. Aber ebe nume „wär“... mit dene Uflage rund um die ganzi Corona-Situation heimer üs schweren Herzens drzue entschlosse dases das Johr ke Strand z Niederwil git. D‘ Beachparty 2020 isch abgseit. Aber d Vorfröid isch jo bekanntlich die schönsti Fröid und dir dörft nech natürlech uf ne Beachparty im 2021 fröie, denn hole mer aues...

05. November 2019

Wir sind eine Guggenmusik, nennen uns Schnadehüdeler und kommen aus dem kleinen Dörfchen Niederwil am schönen Jurasüdfuss im Kanton Solothurn. Uns kennt man als einen buntgemischten Haufen von 18 bis 65 Jahren, welcher gemeinsam die Freude der Geselligkeit, der Fasnacht und des gemeinsamen Musizierens pflegt. Dabei steht der Spass ganz klar an erster Stelle… Momentan sind wir 35 aktive Schnadehüdeler, welche jeden Montag das alte Schulhaus in Niederwil unsicher machen und für die...